Casonan positivo di COVID19 na Hulanda ta bahando pero no suficientemente lihe

AMSTERDAM – E cantidad di casonan positivo di COVID19 na Hulanda ta sigui baha diaranzon. Asina ta parce di e cifranan di e Rijksinstituut voor Volksgezondheid en Milieu (RIVM).Entre diamars y diaranzon mainta tabatin 7657 caso positivo acerca. Un dia prome tabatin como 10 caso mas. E cantidad di morto a aumenta cu 106 aunke esey no ta nifica cu tur e morto nan aki ta den e ultimo 24 ora si. Desde e brota na februari, tin 383.500 Hulandes cu a test positivo pa COVID19. E hecho cu e cantidad ta bahando, no ta necesariamente bon mirando cu e ta bahando mucho poco poco. Y pesey tambe a anuncia medidanan mas severo cu ta drenta na vigor entrante diaranzon anochi ora di Hulanda. 

LUGARNAN DI PREOCUPACION

Den Midden y West Brabant cos ta malo.  Eynan a registra den e ultimo 24 ora 800 caso positivo. Rotterdam-Rijnmond ta sigui cu 768 caso, sigui pa Twente (458) y Hollands-Midden(444). Potret cortesia ANP.