Dos homber a tira atraco arma na un cas na Pos Chiquito

ORANJESTAD – Dos homber a tira atraco na un cas na Pos Chiquito awe nochi. Vocero policial Lito Laclé a informa cu pa 19.30 central di polis haya un yamada cu un atraco a tuma lugar na un cas na Pos Chiquito. Na yegada di patruya e dama a splica cu 2 persona masculino cu ta papia spaño lo mester a drenta su cas, cu arma di candela den man a mare y bay cu varios articulo  for di e cas. E dama a logra los y a bati alarma. E atracadonan lo mester a huy den un auto blanco. 

Atracoteam a presenta y tuma e investigacion over, tambe departamento di slachtofferhulp. Cuerpo Policial ta pidi pa es cu a wak algo of sa algo jama tiplijn di polis cu ta 11141