Hulanda a aumenta medidanan aun mas contra COVID19

DEN HAAG – Hulanda a anuncia un aumento di medida contra COVID19 diamars merdia. E motibo ta pasobra e situacion aunke cu tin reduccion di casonan positivo, e no ta bahando suficiente. Sigur no e cantidad di hospitalizacion. Y como tal a dicidi cu ta aumenta medida. Un serie di medida pisa ta conta pa 2 siman, entrante diaranzon anochi 10’or ora di Hulanda. Ta te hasta evaluando un toque de queda pa cierto regionnan cu ta mas pisa afecta. Ta trata di un cantidad di 12 regio. 

MEDIDA

Entre e medidanan, ta bira prohibi pa ricibi mas cu 2 persona di bishita, y lo cera tur piscina, parke di diversion, cinema, biblioteca, y mas. Practicamente tur edificio publico ta cera pa 2 siman. Y viahamento pa exterior ta wordo desaconseha di awor te despues di Pasco. A menciona si cu Caribe Hulandes no ta conta pa esaki, y aki ta conta solamente ‘un conseho negativo, pero no ainda prohibicion.