DUO ta ofrece posibilidad di contacto extra pa Aruba

ORANJESTAD - Dienst Uitvoering Onderwijs (DUO), ta ofrece posibilidad di contacto extra pa Aruba. Asina un comunicado dialuna ta informa riba e tema. Dou ta bishita regularmente e islanan den e parti Caribense di Reino, pa duna informacion na futuro studiantenan y pa hiba combersacion cu ex-studiantenan cu tin pregunta tocante nan debe di estudio. Pa motibo di Corona lastimamente na e momentonan aki esaki no ta posibel. Pa e motibo ey DUO ta ofrece entrante fin di November te 1 di februari 2021 posibilidadnan extra di contacto online pa Aruba.

WEBINARS PA FUTURO STUDIANTE Y ESNAN CU TA PAGANDO BEK

DUO ta publica den November dos webinars pa duna contesta riba e preguntanan mas importante cu ta biba. Ex-studiantenan cu mester paga nan debe di estudio bek, ta haya entrante diaranzon 18 di November entre otro informacion di e posibilidadnan pa paga bek localmente y pa haci e peticion pa midi capacidad financiero. Pa futuro studiantenan tin entrante 25 di November un webinar disponibel tocante peticion pa financiamento di estudio. Ta posibel pa registra pa e webinarnan aki via duo.nl/webinar.

CHAT Y YAMADA DI VIDEO

Si ex- of futuro studiantenan despues di wak e webinarnan ta desea mas informacion, entrante 19 di November te cu 1 di februari di otro aña, tur diahuebs, nan por haci pregunta tambe na DUO, via un canal di chat special riba duo.nl/antillen. Banda di esey tin for di fin di November riba diamars y diabierna e posibilidad pa segun cita, tin contacto personal cu un colaborado di e team Caribense di Duo.

NA MIDI

Un bishita anteriormente di DUO planea den maart, lastimamente na ultimo momento no a sigui pa motibo di Corona. Ex-studiantenan cu debe atrasa?, cu e tempo ey lo a hiba combersacion cu DUO, awor a haya un invitacion personal pa un combersacion di video. Nan ta haya chens toch pa yega hunto cu un colaborado di DUO na un solucion. Den e contexto aki ta tene cuenta tambe cu e circumstancianan personal di e ex-studiante i unda ta posibel tene cuenta cu deseonan.

DUO ta ehecuta na nomber di ministerio di OCW entre otro ley- y areglonan riba tereno di financiamento di institutonan di ensen?ansa, dunamento di financiamento di estudio y compensacion pa gastonan di scol, cobranza di debenan di estudio y maneho como tambe intercambio di datonan conecta na number di ensen?ansa.