Presidente comisario di Refineria di Aruba a entrega su retiro

ORANJESTAD – Conocido comerciante Richard Eman a tuma su retiro como presidente comisario di Refineria di Aruba (RdA). El a confirma esaki pa e portal aki den fin di siman. Pero pa loke ta e motibonan, e la prefera di no bay den detayes. “ Mi a duna mi carta di retiro na mi accionista, e minister di energia. E ta esun cu a nombra mi” Eman a cuminsa na bisa. E ta haya cu e motibonan di retiro ta entre e cu e minister di energia, den e caso aki Evelyn Wever Croes.

PROCESO PA UN OPERADOR NOBO

E retiro ta bin mei mei di e proceso di busca un operador nobo pa e refineria cu ta maneha pa RdA. No ta conoci si e retiro tin algo di haber cu esaki, y tampoco con e retiro lo afecta e proceso aki. No ta conoci tambe ken ta tuma su lugar aworaki cu e ta retira di e funcion cu e la tene for di comienso di 2018, despues cu gabinete Wever Croes a sinta na November di 2017.