Hendenan cu badge falsifica di Task Force a purba manipula negoshinan

ORANJESTAD – Durante e control di taskforce di COVID19 na e establecimento Yolo Bar na Palm Beach, personanan a purba ‘pasa’ pa oficial di DVG y Task Force, completo cu badge falsifica, y tabata informa esnan di e lugar, cu ‘tur cos tabata corecto’. Osea cu e ‘oficialnan falso’ di DVG tabata  dunando informacion incorecto y haci e doñonan di e lugar e impresion cu tur cos ta ok, siendo cu esey no tabata e caso. Miembronan di e taskforce a tuma nota di esaki y a bisa cu tin cu bay atende cu esaki awor. 

REACCION YOLO

Ora cu e portal aki a puntra gerencia di e establecimento, a sigura cu nan no ta na altura di esaki. Y cu den e caso di ayera, tur hende tabata disfraza y cu nan por tabata disfraza na ken cu ta. Pero ora cu e portal aki a specifica si nan a tuma nota di personanan cu a pretende di ta DVG, nan a bisa cu nan no tabata na altura di esaki.