E aña aki Aruba e yegada di Sinterklaas lo ta uno estilo virtual

ORANJESTAD – E aña aki no tin un ricibimento ‘live’ di e ‘homber santo’, conoci como Sinterklaas, debi na COVID19. Envez di esaki, e organisacion a opta pa laga e yega, na un lugar ‘no identifica’, y no organiza e oportunidad pa mucha y mayornan aglomera na waf manera ta custumber. E lo yega Aruba, pero sin buya, y tambe cu menos Piet. Lo por wak su yegada si, virtualmente, via television y/of rednan social diadomingo mainta 15 di November 2020. Asina e organisacion a participa durante un conferencia di prensa e siman cu a pasa. Ademas e pietnan lo no ta di color ‘preto’ manera custumber, pero lo ta ‘adapta’. Kico exactamente kier men cu ‘adapta’, e organisacion no kier a bisa.