CDC ta lanta e orden di ‘no nabega’ pa lineanan crusero Mericano

MIAMI – E centro di control y prevencion di malesa na Merca (CDC) a tuma e prome paso pa e industria crusero Mericano por keda activa atrobe den e proximo lunanan. CDC a anuncia cu entrante 31 di October 2020, e orden di no nabega, ta vence y ta wordo cambia cu un orden di nabegacion condicional. E industria ta paraliza for di 13 di maart ultimo debi na e brote di COVID19. E companianan crusero lo tin cu prueba cu nan protocol di COVID19 ta funcionando, cu e rekisitonan pa test y haci pruebanan prome cu pasaheronan por bolbe. Y nan mester firma acuerdo cu facilidadnan medico terestre pa por trata cualkier pasahero crusero afecta.  

CANCELACION

Mayoria di e lineanan crusero, Carnival Corporation, Royal Caribbean Group, Norwegian Cruise Line Holdings, MSC Cruises, Disney Cruise Line, Bahamas Paradise Cruise Line ay Virgin Voyages — a cancela tur nan crusero nan for di base Mericano te por lo menos 1 di December proximo. Potret cortesia Kenzo - Fotolia