Secretario di Estado Knops na caminda pa Corsou pa finalisa acuerdo

DEN HAAG - Secretario di Estado Raymond Knops (Asuntonan Interno y Relacion di Reino) lo biaha hunto cu Prome Minister Eugene Rhuggenaath prome di November awo pa Corsou pa finaliza combersacionnan pa e terser tranche di sosten financiero. Despues Secretario di Estado Knops lo biaha pa Sint Eustatius i Saba pa un bishita di trabou. Manera cu e portal aki a raporta caba mas prome, awe, 30 di October, Conseho di Minister di Reino a yega na e acuerdo cu Corsou ta cumpli cu e condicionnan mara na e segundo tranche di sosten financiero. Tur partido ta contento cu a yega na e acuerdo aki.

Secretario di Estado Knops y Prome Minister Rhuggenaath a haya e mandato di Conseho di Minister di Reino pa den proximo dianan traha riba e detayenan final pa e di tres tranche di sosten financiero pa Corsou. Nan lo sigui cu e combersacionnan aki na Corsou.

Dia 3 di November Secretario di Estado Knops lo biaha pa Sint Eustatius. Dia) 21 di October ultimo a tuma luga eleccion di  Conseho Insular na e isla aki. En conexion cu esaki, Secretario di Estado ta reuni cu e miembronan nobo di Conseho Insular. 

Riba 4 di November Secretario di Estado Knops lo biaha pa Saba, caminda e lo tin entre otro reunion cu miembronan di Colegio Ehecutivo y Conseho Insular.