NHC: Parti di islanan ABC lo haya yobida pisa e fin di siman aki

MIAMI – E boletin di diabierna 2’or di National Hurricane Center na Merca a alerta cu pa e fin di siman aki parti di islanan ABC (Aruba, Bonaire y Corsou) por haya yobida pisa. Esaki debi na e ola tropical cu ta drentando Caribe y cu por bira un depresion tropical. Mientrastanto servicio meteorologico a alerta awe mainta cu ta spera entre 25 pa 35 mm di awacero pa Aruba, cu ta bastante. Teniendo cuenta cu tabatin basta awacero caba y e damnan ta hopi yen, lo no tuma hopi pa tin inundacion na cierto parti di nos isla.  Un advertencia special ta bay pa operadornan di boto chikito pa no aventura cerca di awacero of nubianan cu ta produci lamper cu strena ya cu lama lo bira bastante bruto den cercania di esakinan.Departamento Meteorologico di Aruba lo vigila e sistema aki hopi di cerca.