Tin 22 caso nobo positivo di COVID19 pa Aruba diabierna

ORANJESTAD - Segun resumen di awe tin un total di 22 caso nobo di COVID-19, di cual tur ta residente, ("positivity rate" bou residente ta 14%). Tin 13 persona mas a recupera. E total di casonan activo awe ta 158, total di testnan haci ta 312, testnan haci bou di residentenan na laboratorio di hospital ta 152. E total di casonan di fayecimento relaciona cu COVID-19 ta 37.

HOSPITAL

Hospital ta informa cu tin un total di 8 persona interna di cual 4 den Cuido Intensivo y 4 ta isola riba piso general.