KNMI: Tene cuenta cu hopi awacero dianan benidero na Bonaire

KNMI: Tene cuenta cu hopi awacero dianan benidero na Bonaire

Posted on 10/30/2020 2:48 pm AST | Updated on 10/30/2020 2:51 pm AST

KRALENDIJK - Koninklijk Nederlands Meteorologisch Instituut, (KNMI) a anuncia cu pa dianan benidero por spera hopi awacero na Bonaire. Esaki ta conta for di diabierna te cuminsamento di otro siman. Tin cu tene cuenta cu rafaga di biento cu constantemente por cambia di direccion. Doñonan di boto mester tene cuenta cu esaki. Por sigui e tempo ta desaroya riba: https://www.nhc.noaa.gov/gtwo.php?basin=atlc&fdays=5  

  • Secretario di estado Raymond Knops a bishita Saba

    Secretario di estado Raymond Knops a bishita Saba

    THE BOTTOM – Secretario di estado Hulandes Raymond Knops a bishita e isla di Saba e siman aki, unda el a priminti 1.5 miyon dollar na ayudo extra pa e isla. E placa tin cu yuda e situacion precario di COVID19 cu e isla ta aden aworaki. E mandatario a mustra cu e ta hopi satisfecho cu e isla y cu ta pa e motibo ey, ta sigui yuda den e forma cu e ta yudando. 

  • No tin yegada di Sannicolas na Bonaire e aña aki

    No tin yegada di Sannicolas na Bonaire e aña aki

    KRALENDIJK – Entidad Publico Bonaire a dicidi pa no laga yegada di Sannicolas na Bonaire tuma luga e aña aki. Na luga di esey ta bini un programa alternativo digital. For di e aña aki tambe e colo preto di ‘Piet’ ta disparce for di tur yegada oficial di den futuro.

  • Dokter di cas di Bonaire ta fayece a consecuencia di COVID19

    Dokter di cas di Bonaire ta fayece a consecuencia di COVID19

    KRALENDIJK – Casi 5 siman despues di a contra COVID19 na Bonaire, dokter di cas Michael Hermelijn a fayece den CMC (hospital na Corsou) diaranson mainta. E ta bira asina e di 3 victima di Bonaire cu ta fayece a consecuencia di e virus aki. Tabata na comienso di September cu a bira conoci cu e docter a contra e virus despues di a sinti simptoma leve. Ora cu e la test, a resulta cu e tabata positivo. A pidi tur pashent di dje cu desde 5 di September tabatin contacto cu ne, pa raporta. Fin di September (28) su caso a bira mas pio y a transporte cu urgencia pa hospital na Corsou. Dos siman despues, e ta perde e bataya. Noticiacla ta manda palabra di pesame na famianan di dr Hermelijn. Potret cortesia Live99FM Bonaire. 

  • Laman bruto a causa basta molester pa botonan na Bonaire

    Laman bruto a causa basta molester pa botonan na Bonaire

    KRALENDIJK – Bientonan fuerte diripiente diamars mainta na Bonaire a percura pa basta molester pa doñonan di boto, creando olanan grandi y destructivo pa e isla. Mientrastanto a saca un boletin di alerta pa mal tempo cu ta yega Bonaire entre diaranson pa diahuebs awor. 

  • Oficina di impuesto na Bonaire a cera pa motibo di COVID19

    Oficina di impuesto na Bonaire a cera pa motibo di COVID19

    KRALENDIJK – Oficina di impuesto di Bonaire mester a cera su porta awe mainta, debi cu un di su trahadonan a test positivo pa COVID19. Ta resulta cu e ta un pashent di e docter di cas Hermelijn cu recientemente a test positivo tambe pa e virus aki. Cu esaki, e cantidad di casonan positivo activo ta bira 4. Te cu ayera, a raporta cu tabatin 3 caso. E isla tin 1 caso di morto. Potret cortesia Bonaire.nu. 

  • Pasaheronan di buelo humanitario a keda someti na control di COVID19 ora a yega Venezuela

    Pasaheronan di buelo humanitario a keda someti na control di COVID19 ora a yega Venezuela

    LAS PIEDRAS – Dialuna atardi, manera cu noticiacla a raporta caba, e buelo humanitario pa Venezuela for di Aruba a tuma lugar porfin. Finalmente ta 78 pasahero (di 100 cu tabata poni pa biaha), a yega Las Piedras, estado Falcon unda cu nan a keda ricibi pa e.o. Gobernador Victor Clark, y e secretario di salud. Despues di a keda someti pa un control completo medico, a transporta tur pasahero pa nan respectivo residencia, sea fiho of temporal. Manera por mira di e potretnan exclusivo obtene pa e portal aki, unavez cu e avion a yega, a haci un limpiesa total di tanto e avion como ekipahe, y a controla e pasaheronan un pa un. Manera ta conoci hopi di nan, pa no bisa mayoria, tabata personanan cu a keda deporta, debi cu nan estado tabata ilegal riba e isla. Pero debi na e crisis di COVID19, no tabatin buelo pa Venezuela pa cual hopi a keda deteni den e centro di detencion na Guarda Nos Costa. Finalmente cu intento di embahada Hulandes y esfuersonan di gobierno Venezolano, a logra saca un buelo dialuna. A compronde cu tin mas persona cu tin y kier biaha, pero no ta conoci si lo tin mas buelo por lo pronto. 

  • Powered by SETAR