Stichting Reclassering en Jeugdbescherming cu reto pa hoben

ORANJESTAD - E aña aki Stichting Reclassering en Jeugdbescherming Aruba a sera nan “Siman di Reclassering den un forma inovativo, cu un programa special cu a ‘stream’ via e Facebook page di Stichting Reclassering Aruba. E programa a wordo hopi bon ricibi y den menos cu 1 siman ya caba por conta cu mas di 11.000 views caba riba Facebook. E organisacion ta invita un y tur cu no a logra wak e programa aki ainda, pa bishita y ‘Like’ nan Facebook page. E video completo ta disponibel pa mira na cualkier ora di dia, cu informacion sumamente interesante y entretenimento di D Soup.

Durante di e programa special, Stichting Reclassering Aruba a lansa e TRUE ROLE MODEL CHALLENGE. E challenge aki ta pa hoben di 13 - 17 aña cu tin talento den musica y/of presentacion. Pa participa, e hoben mester sigui e stapnan aki;

- Download e ritmo instrumental di e cancion ‘A true role model’ di e artista local y nos Caiso Monarch actual, Galloway. E link ta riba Facebook page y SoundCloud di Stichting Reclassering Aruba

Skirbi of traha su mesun letra nan, spoken word, rap, poesia, acting script of baile riba e ritmo aki. E mensahe of presentacion mester ta dedica na e true role model di e hoben.

Graba un video di nan mes ta presenta e cantica, baile of actuacion.

Post e video riba e Facebook page di Stichting Reclassering Aruba prome cu dia 6 DI NOVEMBER 2020.

Ganadornan di e challenge lo wordo anuncia riba dia 10 di November 2020 y lo ricibi e siguiente premionan;

Tercer lugar - gift certificate di 100 florin na tienda di keds favorito

Segundo lugar - gift certificate di 150 florin na tienda di keda favorito

Prome lugar - wireless Beats by Dre headphone + grabacion den studio y video clip cu

Galloway

Stichting Reclassering en Jeugdbescherming ta contento di por a laga Aruba cera conoci cu e trabou cu nan ta eherce den forma di e programa special “A True Role Model” y lo sigui busca formanan moderno pa keda den contacto cu nan clientenan y comunidad en general.

E fundacion ta gradici tur persona y instancia cu di un of otro forma a contribui na e produccion di “A True Role Model” en particular e team di Reclassering mes, mentor nan boluntario y ex-clientenan cu a duna nan testimonio libremente y e companianan di produccion envolvi, cual ta Aruba.TV, High Performance Aruba y Ananse Creative Productions.

Pa mas informacion y demas desaroyo, sigi Stichting Reclassering Aruba riba Facebook of bishita e website www.reclasseringaruba.com . Tambe por tuma contacto via telefon via e number di oficina 582-1496 of via e-mail na info@reclasseringaruba.com.