Premier Wever-Croes:Frontera cu Venezuela ta keda cera

ORANJESTAD – Prome Minister Evelyn Wever-Croes diahuebs a duna di conoce cu Aruba no ta contempla reapertura di frontera cu Venezuela tanten cu nos ta memey di un pandemia. Asina e prome mandatario ta reacciona riba e declaracionnan haci diaranzon di presidente Venezolano Nicolas Maduro. 

E DECLARACION

Diaranzon por a tuma nota declaracionnan den prensa Venezolano di Presidente Nicolas Maduro na unda el a manifesta su deseo pa reanuda relacionnan entre Venezuela y Aruba, Corsou y Boneiro riba diferente tereno entre otro transporte, comercio y comunicacion. 

PANDEMIA BOU DI CONTROL

E mandatario principal di Aruba a bisa cu unabes e pandemia ta mas bou control, Gobierno di Aruba por reanuda e deliberacionnan si cu Venezuela riba e topico aki y basa riba palabracionnan haci den pasado, por yega na un reapertura parcial di e frontera cu Venezuela y bou di cual condicion. Mientras tanto, esaki no ta asina leu ainda.