Venezuela a urgi Hulanda pa resolve problema migratorio y resititui turismo binacional cu islanan ABC

CARACAS – E canciller Venezolano Jorge Arreaza diamars durante un encuentro cu embahador di Hulanda, a señala cu mester resolve e problemanan di fluho migratorio y restitui e turismo binacional, ademas di coordina e esfuerzonan riba nivel di mas halto cu Hulanda, pa atende e tema di seguridad den Caribe. Manera ta conoci, e frontera cu e islanan ABC ta sigui cera, cu tur consecuencia cu esaki por tin. Y den e caso aki e ta cera di banda di e islanan y no Venezuela. Y mirando e situacion, Venezuela a haci un apelacion serio na e diplomaticonan Hulandes pa restablece e relacion aki bek mas lihe cu ta posibel.