Medidanan contra COVID19 na Hulanda extendi te December

DEN HAAG – E sector di horeca na Hulanda (e parti di restaurant y barnan) lo mester keda cera mas largo. E lockdown parcial na Hulanda lo sigui sigur te den december. Asina premier Hulandes Mark Rutte y minister de Jonge (Salud) a bisa prensa diamars atardi ora di Hulanda.  Otro siman diamars lo tin un momento di evaluacion. De Jonge a laga sa caba cu ta conoci cu e medidanan mester wordo prolonga. Esaki ta necesario pa por reduci e grado di contagio na Hulanda, cu ta hopi halto aworaki. 

MAS MEDIDA

Pa mas medida ta mucho tempran segun Rutte. “Nos sa cu e efectonan lo ta bisto despues di un pa dos siman.  Nos no sa ainda. Ta mucho tempran pa saca conclusion y pa tuma mas medida. E cifranan ta keda halto y nan mester baha”, Rutte a sigui splica.  

MIEDO

Otro siman diamars lo tin un otro conferencia, pero esaki por bin prome, si e cifranan sigui subi mas. “Un lockdown total si ta un bista mas espantoso” Rutte a bisa. “Pesey nos ta sigui bisa tur hende pa keda sigui e reglanan”.  Potret cortesia ANP.