Lider di RED a entrega keho na OM pa menaza di morto

Lider di RED a entrega keho na OM pa menaza di morto

Posted on 10/26/2020 9:51 am AST | Updated on 10/26/2020 9:51 am AST

ORANJESTAD – Lider di fraccion di RED Ricardo Croes a entrega un denuncia diasabra ultimo na Ministerio Publico contra un persona di fam F. pa menaza di morto. Asina sr Croes a confirma dialuna mainta durante un conferencia di prensa. Segun sr Croes, ta trata di ruman homber grandi di un hoben cu ta profilando su mes riba rednan social riba temanan politico. Segun sr Croes, e persona a identifica su mes di tal forma cu tabata ‘mas facil’ pa haci e denuncia contra su persona. Sr Croes a bisa mes momento tambe cu no ta prome biaha cu el a haya menaza, aunke di menos gravedad, pero nunca a haci mencion di esaki publicamente. 

  • OM: A seponer tanto acusacion di Melvin Tromp y premier Evelyn Wever Croes contra otro

    OM: A seponer tanto acusacion di Melvin Tromp y premier Evelyn Wever Croes contra otro

    ORANJESTAD - Ministerio Publico a declara acusacion di corupcion contra premier Wever Croes infunda. Asina vocero di ministerio publico Ann Angela a confirma pa noticiacla diabierna. Algun luna pasa oponente politico Melvin Tromp di AVP a entrega keho contra Prome Minister Evelyn Wever - Croes. E keho ta encera corupcion y ‘zelfverrijking’, y cu lo ta haci uso di bufete Croes Wever Ruiz pa e actonan aki. Y den e caso aki e mandatario a haci un contra denuncia pa valse aangifte y smaad. 

  • Corte a dicta: Doño di trabou no por stop salario di trahado debi na pandemia

    Corte a dicta: Doño di trabou no por stop salario di trahado debi na pandemia

    ORANJESTAD – Un compania cu inicialmente a para pago pa un trahado den forma unilateralmente citando efecto di e pandemia di COVID19, mester sigui paga e trahado aki te proximo aviso. Asina un huez a dicta e siman aki pa un trahado na Aruba. Segun e huez, e doño di trabou no a maneha e situacion bon, y pa falta di informacion y con a haci esaki, no ta dune derecho pa actua manera cu e la haci. Entre nan e ‘ponencia’ cu e trahado no tin derecho riba pago pa e tempo cu e no a traha. Contrario na pensamento di e doño di trabou, -  cu ta tira falta riba e pandemia-, esaki ta cay pa risico y cuenta di e doño di trabou, por lo menos te ora cu e trahado por haya pagonan di entre otro un subsidio salarial y di gasto manera prescribi anteriormente relaciona cu e acuerdo salarial acorda entre e partidonan.  Den bista di Corte, bou di e circumstancianan ey, e doño di trabou no por uza e regla cardinal laboral di ‘no work no pay’.  Esaki pasobra Corte ta sigui e trahado su posicion di pago di e diferencia entre su salario acorda cu e doño di trabou hunto cu e beneficio di FASE, cu ta significativo, esta di 1750 florin bruto, aunke ta poco probable cu e doño di trabou lo bati bancarota si e sigui paga e salario acorda (en gran parti subsidia) di e trahado. 

  • OM: Awor cu a dicta Toque de Queda legal, lo cuminsa cobra e multanan

    OM: Awor cu a dicta Toque de Queda legal, lo cuminsa cobra e multanan

    ORANJESTAD - Ministerio Publico a haci yamada na personanan pa bin paga nan multa ricibi durante e ultimo Toque de Queda. Esaki awor cu Corte a dicta cu e TdQ tabata legal. 

  • Corte: E di dos Toque de Queda impone tabatin base legal

    Corte: E di dos Toque de Queda impone tabatin base legal

    ORANJESTAD – Huez a dicta diahuebs mainta cu e di dos Toque de Queda cu gobierno a impone recientemente, ta valido. Mientras cu e portal aki no tin e informacion di corte mes, minister di Turismo Dangui Oduber a confirma esaki riba su pagina di Facebook awe mainta. Segun Oduber, Huez a dicta cu TDQ ta legitimo y no desproporcional! “Gobierno su maneho ta uno responsabel” e mandatario a bisa.

  • Corte: Presidente di Hof sra Eunice Saleh a test positivo pa COVID19

    Corte: Presidente di Hof sra Eunice Saleh a test positivo pa COVID19

    WILLEMSTAD/ORANJESTAD – Presidente di Hof, Mr Eunice Saleh a test positivo pa COVID19. Esaki Corte a informa diahuebs merdia. Siman pasa e la tabata na oficina relaciona cu algun reunion na Corsou. Esnan cu tabata presente fisicamente, y a keda den e mesun espacio cu sra Saleh pa mas di 15 minuut, conforme regla di GGD, a wordo poni den cuarentena na cas te 6 di November proximo. Sra Saleh mes a bay mesora den insolacion. Lo test e personanan aki tambe y por a menciona cu por lo menos un di nan nan resultado a resulta negativo. E personal na cas lo sigui traha for di cas.  Sra Saleh na november di 2016 a keda nombra como e presidente di Hof. 

  • OM: Toque de Queda actual no ta cumpli cu exigencianan necesario

     OM: Toque de Queda actual no ta cumpli cu exigencianan necesario

    ORANJESTAD - Ministerio Publico kier huez dicidi legalidad di e di dos Toque de Queda pa COVID19. Den un comunicado pa prensa diahuebs atardi, e organo aki (OM) a presenta awe na Corte e pregunta si e Toque di Queda cu a keda impone na augustus ultimo, tin suficiente base legal y por wordo considera legitimo. Ta na Corte pa dicidi si e (di dos) Toque di Queda aki tabata necesario y proporcional. Un Toque di Queda ta un medida cu ta limita libertad di e ser humano y cu ta viola derechonan ancra den e Constitucion di Aruba y e Tratado Europeo pa Derechonan Humano (EVRM).  

  • Powered by SETAR