Polis a parti mas di 150 multa di trafico den fin di siman

ORANJESTAD - Durante fin di siman motor unit di polis a hasi su debido controlnan y cu e siguiente resultado: Diabierna a reparti 62 multa pa maneha cu exceso di velocidad Avenida E.J. (Watty) Vos, Green Corridor, y Avenida Nelson O. Oduber.  Un total di 68 multa a wordo reparti y entre nan un taxista manehando cu un velocidad di 150 kilometer pa ora. Cu permiso di fiscal a confisca e auto di e taxista. 

Na altura di Chaos Cafe a ora un scooter sin documento y cu tambe a wordo confisca y hiba cu takelwagen. A controla Samenscholling linear park, Eagle Beach, Arashi y Bushiri. Diasabra e motor unit a logra stop caredanan di auto y brommer ilegal. 1 brommer prepara pa drag y cla pa pusta a wordo hiba warda pa falta di documento. Motor unit ariba diasabra a duna 40 multa pa entre otro surpasa velocidad maximo, core cu celular den man y 1 persona a wordo deteni pa maneha auto sin rijbewijs.