Parlamentario independiente Lejuez ta contra retiro di minister Lopez

ORANJESTAD – Parlamentario Daphne Lejuez pa medio di un carta, a informa Presidente di Parlamento cu e lo vota contra e retiro di minister Marisol Lopez Tromp. Segun Lejuez, Lopez Tromp a haci un bon trabou y no ta mira pakico mester retire. 

Mes momento Lejuez a cuestiona e forma con e Presidente d Parlamento a core yama un reunion di ultimo ora, pero a bis cu e lo participa, pa medio di e carta aki y cu durante e tratamento di e reunion, cu mester lesa su carta como su participacion y reaccion. 

E parlamentario tambe ta referi na e forma segun e, inconstitucional cu kier a ‘pusha’ e mocion di desconfianza contra e minister den Staten, siendo cu e mandatario en cuestion a presenta varios cos dubioso cu ta tumando lugar y cu mester di atencion. Segun Lejuez ta preocupante cu kier stroba e mandatario di haci su trabou mientras cu e programa di gobernacion netamente ta para pa integridad, y transparencia. “Pesey mi no por haya mi mes den e decision” Lejuez ta bisa entre otro como motivacion. Lesa e carta completo AKI