Aruba Airlines pensa di lanta buelo atrobe mitar di December 2020

ORANJESTAD – Aruba Airlines tin pensa di lanta buelo atrobe pa mitar di December di e aña aki. Asina e accountable manager Frank Arendsz a confirma diahuebs pa noticiacla. “Nos ta para door cu fronteranan Curacao Aruba (tabata cera) y despues Curacao a para operacion Curacao-Aruba-Curacao pa motibo cu Aruba bay den Medium Risk y tur cos a para” Arendsz a cuminsa bisa. “Tambe e ruta Colombia Aruba-Colombia ta cera completo, esakinan ta motibo cu nos ta para”.

ENTRENAMIENTO

Segun Arendsz, siman pasa nan a cuminsa manda nan flight crew nan pa e simulado di buelo (SIM) na Airbus debi tur a vence pa tal motibo. Tambe e CRJ crew (avion mas chikito) nan ta bay un ‘recurrent training’ pa mes motibo. “Nos lo bay haya un base audit di DCA door cu nos a cambia di facilidad y tur esakinan mester sosode prome cu nos lanta buelo” Arendsz a continua bisando. “Nos ta planea pa mid-December cu nos por lanta buelo. Atrobe tur ta depende si e fronteranan ta bay habri pa e temporada ey” Arendsz a finaliza bisando.