A reduci Caiso y Soca Festival na dos dia so

ORANJESTAD - Mientras cu e  nomber di cantante y bandanan pa e proximo Calypso y Roadmarch contest, conoci como Caiso y Soca Festival 2015, ta conoci, e fecha di e finalnan a cambia awe. NoticiaClal.com a haya confirma cu e Caiso (18 cantica) lo tuma lugar riba 29 di januari y esun di Soca (Roadmarch cu 60 cantica) lo tuma lugar riba 31 di januari. E cambio ta haci pa asina por 'baha gasto', NoticiaCla.com a compronde. Pa por logra pa e festival caba toch un ora 'rasonable', lo pone dos ekipo di zonido riba un solo stage grandi. Un otro cambio ta cu lo no tin e acostumbrado PPV (Pay Per View) localmente pero solamente pa esnan internacional. Riba e potretnan por haya e lista di e nombernan y nan informacion corespondiente. E secuencia ta wordo saca despues riba un otro fecha. E festival ta na Carnival Village pa 7'or di anochi. Foto di e inscripcion, ta cortesia di Stan Lejuez.