Director di SVB lo ta director temporal interino di AZV tambe

ORANJESTAD – E actual director di SVB, ir Edwin Jacobs lo fungi temporalmente tambe como director interino di AZV. Asina hunta di directiva di AZV a informa diahuebs mainta. Sr Jacobs lo fungi den e funciona ki te ora cu e proceso pa nombra un director nobo di AZV termina. A clarifica mesora cu sr Jacobs lo combina e funcion aki di AZV cu esun di director na SVB. Cu esaki ta confirma cu e director anterior Ruben Goedhoop no ta bolbe den e funcion ey y a termina su relacion di trabou entrante awe mainta.