EVTV: Aruba ta renoba restriccion prohibiendo entrada di residentenan di 22 pais

MIAMI – Autoridad di Aruba a ‘renoba’ un restriccion cu ta prohibi pasahero y residentenan di 22 pais di Latino America, incluyendo Venezuela, di bin Aruba. Asina un boletin di  International Air Transportation Association (IATA) a bisa e siman aki, segun e portal EV TV Miami. E otro paisnan ta Argentina, Belize, Bolivia, Brazil, Chile, Colombia, Costa Rica, Republica Dominicana, Ecuador, El Salvador, Guyana Frances, Guatemala, Guyana, Haiti, Honduras, Mexico, Nicaragua, Panama, Paraguay, Peru, Surinam y Venezuela. 

OTRO PAISNAN

Pasaheronan di otro pais cu no ta riba e lista, mester presenta un test di COVID 72 ora prome cu a biaha. Ta trata di e grupo di algun estado Mericano manera Arizona, Arkansas, Florida, Iowa, Kansas, Kentucky, Louisiana, Maryland, Minnesota, Missouri, Montana, Nebraska, North Carolina, North Dakota Dakota, Oklahoma, Pennsylvania, South Caroline, South Dakota, Tennessee, Utah, Virginia, Wisconsin y Wyoming. E comunicado ta splica tambe cu e medida no ta aplica pa pasaheronan diplomatico, ni pasaheronan di Europa of otro continente.