Partijraad di MEP ta para 100% tras di nan miembro Ady Thijsen

STA CRUZ – Partijraad di partido MEP durante un reunion extraordinario diamars anochi a dicidi di sostene nan miembro, presidente di Parlamento Ady Thijsen, 100% pa su decision tuma riba e asunto di votacion riba mocion di desconfiansa contra minister Marisol Lopez Tromp, y ta considera e asunto un ‘capitulo cera’. Durante e reunion, Thijsen lo a presenta su caso den un forma basta detaya, y a duna un splicacion amplio riba kico tur a sosode, motivando su decision. Na final, e partido a dicidi cu ta para tras di Thijsen, y cu e votacion di e mocion ta valido y cu Marisol Lopez Tromp tin cu bay. Cu esaki, Thijsen tin sosten di e partido. Mester bisa cu esaki ta e pensamento tambe di gabinete Wever Croes, y a bisa cu aworaki ta canando e proceso pa retira e minister en cuestion, Marisol Lopez Tromp.