Corte lo publica veredictonan via nan propio pagina Facebook

ORANJESTAD – For di diabierna siman pasa, Corte di Prome Instancia tin su propio pagina di Facebook. Riba e pagina aki por haya semper e sentencianan mas recien, sentencia y acuerdonan – cu a wordo dicta pa e huesnan. No ta tur sentencia ta wordo publica. Si ta trata di pone sentencianan cu Corte ta pensa cu por ta interesante pa abogado, ministerio publico, facultat di ley, parlamento y tambe ciudadanonan interesa.

Pa proteha e privacidad di partidonan en cuestion, te na unda cu por, ora cu ta trata di hende y no compania, lo anonimisa e sentencianan. Solamente na sentencianan original, por presta derecho, pero no na esnan cu a wordo publica riba e pagina di Facebook. Corte di prome instancia ta spera cu via e caminda aki, e accesibilidad pa sentencianan lo keda amplia. Pa esnan cu kier bishita e pagina, por haci ‘e aki.