Sin subsidio salarial, 62% di miembronan di AHATA ta confronta bancarota

ORANJESTAD – Basa riba un encuesta cu Aruba Hotel & And Tourism Association (AHATA) a tene entre su miembronan, 62% ta confronta bancarota si no ta pa e subsidio salarial (loon subsidie) cu nan ta hayando di gobierno actualmente. Mester bisa cu entre tur esnan encuesta pa AHATA (61 negoshi), 84% ta hayando subsidio salarial y 90% di esnan hayando subsidio, ainda ta operando cu perdida. E subsidio salarial ta loke cu gobierno ta dunando companianan debi na e situacion cu a surgi cu COVID19. 

BREAK EVEN

Un di e preguntanan ta tambe cu si tin e companianan por a opera cu breakeven, of cu ganashi sin e subsidio salarial. Aki 86% a bisa cu nan no por opera cu breakeven y of cu ganashi sin e subsidio menciona. 

BANCAROTAOra cu a haci e pregunta cu si e negoshi nan ta na riesgo di bancarota, 62% a bisa cu esey ta e caso, si no tin e subsidio. Algun (38%) a te hasta bisa cu nan ta na  riesgo di bancarota na 2021 te hasta cu si nan haya subsidio salarial. 

FLEXIBILISACION DI LEY LABORAL

Treciendo e punto di flexibilisacion di ley laboral pa negoshinan por sigui, 87% a bisa cu e ta necesario pa sobrevivencia di e negoshi na 2021.