Gobierno ta keto riba desaroyo di e confianza pa minister Lopez

ORANJESTAD – Siman nobo a habri, y ainda gobierno no a duna reacciona publico riba e loke a sosode siman pasa diahuebs, unda cu Parlamento a vota riba un mocion di desconfianza contra un minister di e gabinete actual. Los di e hecho cu si e votamento tabata legal of no, tin e realidad cu 10 miembro di coalicion a mustra nan desconfianza contra un di su minister. Tin hopi pregunta, di kico ta sosode awor y con ta para cu e gabinete. Preguntanan cu ainda no a haya contesta.  

INTERNO

E portal aki a compronde cu mientrastanto, tin reunionnan programa internamente entre e minister en cuestion y prome minister, y tambe tabatin reunionnan interno si di e partidonan politico den fin di siman, pa deliña e proximo pasonan politico pa e respectivo partidonan. Entre temanan, por compronde cu (taba)tin, con ta bay sigui traha cu e mandatario en cuestion, si e no kier retira. Kico ta e pasonan pa tuma den e situacion cu a surgi cu e miembro di coalicion di partido RED, cu a opta pa no sostene e gabinete (cu ta su derecho), y ta mustra cu entre nan tin un falta di confianza posiblemente riba e tema aki, cu por ‘strech’ pa otro temanan tambe manera cannabis. Keda pendiente pa e desaroyo riba e tema aki.