Aruba ta raporta 2 morto mas di COVID19 y 15 caso positivo

ORANJESTAD – Aruba a raporta 2 morto mas diasabra di COVID19, segun informacion suministra pa Departamento di Salud. Cu e dos personanan aki, e total di morto te awor ta bira 34. Mes momento ta raporta cu tin 15 caso nobo di persona cu a test positivo pa e virus. Segun resumen di awe 36 persona a recupera, y e asina yama positivity rate ta na 16%. E total di casonan activo ta awe 287, total di testnan haci ta 235, testnan haci bou di residentenan na laboratorio di hospital ta 96.  

HOSPITAL

Y manera cu e portal aki a raporta caba, hospital ta informa cu tin un total di 5 persona interna di cual tur 5 ta isola riba piso general. Den ICU no tin ningun pashent di covid na e momento aki.