Rey Willem Alexander y famia a bolbe Hulanda despues di critica

DEN HAAG – Rey Willem Alexander y su famia a bolbe Hulanda diasabra anochi, ora di Hulanda, un dia despues cu nan a biaha pa Grecia pa vacacion. Asina e portal NOS ta raporta. Tabata pa 9’or di anochi cu e Rey y su famia a bolbe cu buelo comercial di KLM. Un rato despues a hisa e bandera real na Palacio Huis ten Bosch, segun regla ora cu e Rey ta bek na su pais. E Rey y su famia a bolbe debi na e multiple critica cu tabatin pasobra cu el a biaha, mientras cu gobierno ta pidi tur hende keda cas y no bay di vacacion debi na coronavirus. E Rey a reacciona bisando cu nan a mira e comentarionan y cu el a afecta nan y pesey nan a bolbe. Parlamento Hulandes tabata basta disgusta cu e decision di e Rey di bay vacacion.