HOH: No tin pashent di COVID19 mas den cuido intensivo

ORANJESTAD – Despues di basta tempo, Hospital Horacio Oduber a raporta e bon noticia cu no tin ningun pashent di COVID19 mas den cuido intensivo, y apenas 5 pashent di COVID19 riba piso. Esey no kier men cu cos a caba, pero cu e pashentnan aki no tin necesidad di ayudo special di cuido. Asina mes e ta sigur bon noticia si mira e cantidad abou di pashent cu ta rekeri cuido di hospital, sigur si tene cuenta cu esaki na un punto a surpasa 50 total. Ta spera cu esaki ta e ‘trend’ awor y cu pronto no tin pashent mas hospitalisa, manera tabata e caso algun luna pasa ora cu por corda con e ‘ultimo’ pashent di e prome ola, a bandona hospital.