Director di AZV Ruben Goedhoop a keda suspendi

Director di AZV Ruben Goedhoop a keda suspendi

Posted on 10/17/2020 11:48 am AST | Updated on 10/17/2020 11:51 am AST

ORANJESTAD – Hunta di directiva di AZV a suspende e director general Ruben Goedhoop diabierna ultimo, 2 aña despues cu el a haya e funcion. Esaki a keda participa na e trahadonan diabierna tambe. Awe mainta minister di salud Dangui Oduber a confirma esaki pa e portal aki tambe. Motibonan exacto no ta conoci, pero a compronde cu e director lo a tuma decisionan interno cu no a beneficia e compania. Gran parti ta trata di prioridad den gasto, unda cu trahadonan mes a keda sorprendi pa e forma con e director tabata haci cambionan interno. Cambionan hopi biaha cosmetico, cu lo no tabata na beneficio di e compania, mirando e situacion financiero cu e ta aden actualmente. Manera ta conoci, Hulanda a exigi pa AZV corta gasto severamente pa luna di 5 miyon te proximo aviso. Algo cu tabata un di e exigencianan di Hulanda pa Aruba haya mas fondo. E noticia aki ta den proceso y keda pendiente pa actualisacion di esaki. 

  • Bucuti & Tara Beach Resort prome hotel pa gana United Nations 2020 Climate Neutral Now Award

    Bucuti & Tara Beach Resort prome hotel pa gana United Nations 2020 Climate Neutral Now Award

    ORANJESTAD -  Bucuti & Tara Beach Resort, e hotel di mas eco-certifica den Caribe ta creando un standard mundial como e prome hotel na mundo pa gana e prestigioso Global United Nations 2020 Climate Action Award for Climate Neutral Now . United Nations a haci e anuncio 9 a.m. CET via UNFCCC secretariat (UN Climate Change)  na Bonn, Alemania.

  • Tin control extra pa regla di COVID19 durante weekend di Halloween na Aruba

    Tin control extra pa regla di COVID19 durante weekend di Halloween na Aruba

    ORANJESTAD – “E reglanan lo no wordo suaviza pa e fin di siman aki” prome minister Evelyn Wever Croes a bisa dialuna anochi durante e briefing di COVID19. E ta referi na reglanan di COVID19, cu tin vigente aworaki. E fin di siman aki ta e fin di siman di e celebracion Mericano Halloween, unda cu establecimentonan nocturno normalmente tin celebracion grandi pa e tema. Pero mirando cu tin COVID19 y reglanan estricto, esaki lo por tin su consecuencianan.

  • Aruba ta habri frontera atrobe cu e.o. Colombia na December awor

    Aruba ta habri frontera atrobe cu e.o. Colombia na December awor

    ORANJESTAD – Aruba ta habri frontera bek pa paisnan Latino Americano manera Colombia entrante 1 di December proximo. Asina CEO di ATA Ronella Tjin Asjoe a anuncia dialuna anochi. Fuera di Colombia, tin Mexico, Republica Dominicano, y Haiti. Venezuela si ta keda cera ainda. Cu e re-apertura aki, ta spera un total di entre 2000 pa 2500 bishitante extra. 

  • DVG: Apenas 2 persona a test positivo pa COVID19 dialuna

    DVG: Apenas 2 persona a test positivo pa COVID19 dialuna

    ORANJESTAD - Segun resumen di awe 13 persona mas a recupera, tin un total di 2 caso nobo di Covid-19, di cual tur ta residente, ("positivity rate" bou residente ta 13%). E total di casonan activo awe ta 164, total di testnan haci ta 200, testnan haci bou di residentenan na laboratorio di hospital ta 15. E total di casonan di fayecimento relaciona cu Covid-19 ta 36.

  • Encuesta riba maneho di crisis y futuro eleccion pa Parlamento di Aruba

    Encuesta riba maneho di crisis y futuro eleccion pa Parlamento di Aruba

    ORANJESTAD - Kico abo ta pensa tocante con gabinete Wever Croes ta manehando e diferente crisisnan cu ta pasando na Aruba? Ademas, kico/con bo lo haci/vota, si a caso awe lo tabatin un eleccion pa Parlamento di Aruba, en bes di aki un aña.  Laga nos sa kico bo ta pensa via e siguiente encuesta di noticiacla.com. Manera semper, e encuesta ta anonimo y lo ta pa uso netamente periodistico. Pa participa, click AKI. 

  • Conoci personalidad Glenda Arends a biaha cu urgencia pa Hulanda pa salud

    Conoci personalidad Glenda Arends a biaha cu urgencia pa Hulanda pa salud

    ORANJESTAD – Conocido personalidad na Aruba Glenda Arends, mester a biaha urgentemente pa Hulanda diadomingo pa su salud. Debi na multiples peticion, famia a dicidi di haci un publicacion pa asina por complace e cantidad grandi di peticion pa cu su situacion. 

  • Powered by SETAR