Gobierno a dispidi di ex minister ‘Frido’ Croes diahuebs mainta

Posted on 10/16/2020 4:51 pm AST | Updated on 10/16/2020 4:52 pm AST

ORANJESTAD - Diahuebs mainta, Gobierno a dispidi di ex minister Francisco Walfrido (Frido) Croes. Conseho di Minister tawata para pafo dilanti di Bestuurskantoor unda cu e corteho funebre a para. Prome Minister a pone krans y despues a tene un minuut di silencio pa respet pa sr. Frido Croes. 

Di profesion e tabata maestro di scol gradua na Arubaanse Pedagogische Academie (APA) y a yuda forma hopi hoben di nos pais. Sr. Frido Croes a drenta politica na aña 1988 y a laga su legado como miembro di Parlamento (1989-1994), como Presidente di Parlamento (2001-2004), como Minister di Enseñansa (2004-2005) y como Minister Plenipotenciario na Hulanda (2005-2009). Un carera politico sigur hopi impresionante cu sr. Frido a ocupa cu hopi responsabilidad, capacidad, honestidad y integridad.

“Nos no lo lubida e legado y loke sr. Frido Croes a haci pa enseñansa y politica pa Aruba. Cu Dios duna su sra. Lourdes, su yiunan Joseanny y Francis y tur famia y amistad hopi forsa cu e perdida grandi aki. Cu Frido sosega na paz”, Prome Minister Evelyn Wever-Croes a expresa.

 

 

  • Presidente di Parlamento a hala mocion di desconfianza aden

    Presidente di Parlamento a hala mocion di desconfianza aden

    ORANJESTAD – Algo menos cu 2 siman despues cu el a aproba e mocion di desconfianza contra awor ex minister Marisol Lopez Tromp, presidente di Parlamento sr Ady Thijsen diaranson mainta a anuncia den un conferencia di prensa, cu e ta hala e mocion ey (y e otro dosnan) aden y ta declara nan nulo. Mes momento e ta bisa si cu e ta para riba su interpretacion personal, pero ta hala e mocionan aden, pa ‘interes general’ y pa evita discusion den comunidad. Discusion si e tabata valido of no, cu a keda colga den laira. Mientras cu noticiacla no tabata invita pa e conferencia, e pregunta cardinal, di pakico diripiente e cambio aki, no a keda contesta, sino solamente cu el a haci’e, pues, pa interes general. 

  • POR a cambia di pensamento y ta evalua pa bay na 7 minister

    POR a cambia di pensamento y ta evalua pa bay na 7 minister

    ORANJESTAD – Apenas un dia despues cu e lider di partido POR a bisa e portal aki cu e hecho cu MEP ta haya e cartera liber di ex minister Marisol Lopez Tromp ‘temporalmente’, e partido a informa cu nan ta ‘evaluando’ pa bay na 7 minister y pa ‘reparti e tareanan ministerial’. Tur esaki ‘debi na e situacion financiero critico di pais Aruba debi na e impacto di COVID19’. No ta conoci si ta presion di e partido MEP a pone e lider di partido POR cambia di pensamento, ya cu manera indica, apenas un dia prome, el a bisa e portal aki otro cos. Pero, manera ta bida, den tur cos, un persona tin e oportunidad pa cambia su pensamento. 

  • Gobierno di Aruba a extende periodo pa rijbewijsnan cu a vence of ta bay vence

    Gobierno di Aruba a extende periodo pa rijbewijsnan cu a vence of ta bay vence

    ORANJESTAD - Gobierno a extende pa rijbewijsnan cu a vence of ta bay vence. En conexion cu e Corona-virus COVID-19, na maart 2020 minister di Husticia mr. Andin Bikker a introduci un maneho temporal pa cu renobacion di rijbewijs, den cuadro di articulo 9, prome seccion (‘eerste lid’), di e Landsbesluit rij- en keuringsbewijzen (AB 1999 no. 61). A base di dicho seccion di ley un rijbewijs normalmente por wordo renoba dentro di un aña cu ela caduca, si e unico motibo ta cu e periodo di validez a expira. 

  • Gobierno no por confirma cu Leopoldo Lopez tabata na Aruba recientemente

    Gobierno no por confirma cu Leopoldo Lopez tabata na Aruba recientemente

    ORANJESTAD – No obstante cu por lo menos 5 medio internacional a raporta e rumor y /of duna indicacion cu e activista politico opositor Venezolano Leopoldo Lopez tabata na Aruba, Gobierno di Aruba dialuna no por confirma esaki. “Asina leu cu nos sa, e no a pisa tera di Aruba den e dianan cu a wordo menciona” premier Wever Croes a bisa dialuna anochi durante un conferencia di prensa. Lopez mientrastanto a yega Spaña y ta den compania di su famia. 

  • Bikker: Cartera di minister di POR cu a MEP haya, ta temporal

    Bikker: Cartera di minister di POR cu a MEP haya, ta temporal

    ORANJESTAD – E hecho cu un di e carteranan di minister di partido politico POR ta bay pa partido MEP, ta algo temporal. Asina lider di e partido Andin Bikker a clarifica pa noticiacla.com dialuna atardi. Esaki ta basa riba e situacion cu a surgi recientemente cu retiro di ex miembro Marisol Lopez Tromp, unda cu e mes( Lopez Tromp:red) a cuestiona esaki diasabra den su conferencia. Prome minister Evelyn Wever Croes mientrastanto a tuma e carteranan di Lopez Tromp aworaki. 

  • Lider di partido HTC den Noticiacla LIVE diamars anochi

    Lider di partido HTC den Noticiacla LIVE diamars anochi

    ORANJESTAD – E programa NoticiaCla LIVE lo tin como invitado diamars awor, lider di e partido Hubentud Treciendo Cambio, esta HTC, sr Gilbert Webb. Durante e programa, e lo splica e loke cu e partido y su miembronan ta para pe, y e plannan pa cu eleccion 2020. No perde e programa aki cu ta pasa diamars anochi  27 di October 2020 pa 9’or riba e tres plataformanan di Noticiacla, cu ta e website, e app (ambos busca e button LIVE) y riba e pagina di Facebook. 

  • aruba airlines
  • Powered by SETAR