Rey Willem Alexander a cancela su vakantie despues di critica

DEN HAAG – Rey Willem Alexander y Reina Maxima a cancela nan vacacion pa Grecia diabierna. Esaki despues di e ola di critica cu nan a haya den medionan social na Hulanda. Gabinete Rutte ta pidi hende pa no bay vakantie y e monarchanan mes a dicidi di bay riba vacacion. Algo cu pues no a cay nada bon cerca e pueblo Hulandes. “Nos ta wak e reaccion di hende den media, y nan ta pisa. Y nan a afecta nos” e mensahe di Rey a bisa.  

BUELO

Awe merdia ainda e avion di Rey y Reina a lanta buelo pa Grecia, unda cu e Rey tin un cas di vacacion. Pero awor nan a dicidi di cancela esaki y ta bolbe Hulanda.

COMPARACION CU ARUBA

Algun ta compara e situacion cu Aruba unda cu aki tambe prome minister lo a opta pa bay vakantie un siman cu su famia siendo cu e ta pidi tur hende pa cuida. Pero e portal aki a compronde cu e situacion no ta comparable, pasobra den e caso aki, e Rey y Reina no ta bou menaza. Y alavez, prome minister no a bay un vacacion sino un biahe priva, cu no necesariamente mester ta un vacacion. Pues esey ta haci e situacion completamente diferente y no comparable. Manera ta conoci, nos prome mandatario ta bou di menaza y ta(bata) rekeri hopi proteccion di autoridad policial. Den e caso aki, aunke tabatin basta critica, e mandatario no a opta pa cancela su biahe priva. Y e situacion rond di su seguridad tabata hunga un rol importante, e portal aki a compronde.

Potret cortesia Telegraaf.nl