Lopez Tromp: ‘E reunion a wordo uza pa bin cu un mocion di desconfianza contra mi’

ORANJESTAD – Minister Marisol Lopez Tromp lo sigui cu su trabou como minister. Asina el a bisa noticiacla.com den su prome reaccion despues cu Parlamento a vota pa e mocion di desconfianza contra dje. E no sa si e hecho cu ta 10 a vota solamente envez di 11, ta haci e mocion valido. E mes no tabata den sala ora di e votacion, pero a tuma nota si cu ta ‘solamente’ 10 hende a vota, cu ta MEP y POR. E lo sigui su labor di minister diabierna atendiendo e reunion di conseho di minister cu ta programa. 

MOCION

Pa loke ta e motibo di e mocion, e mandatario no ta compronde esaki ya cu segun e mandatario, el a cumpli cu tur peticion pa e cambio di ley cu mester a bin pa e asunto di piscamento cu harpoon pa cual e reunion a wordo yama. Pues e no ta compronde pakico a dicidi toch pa un mocion asina. “E reunion a wordo uza pa bin cu un mocion di desconfianza contra mi” Lopez Tromp a sigui bisa. 

FUTURO

Mirando cu e no sa si e votacion tabata valido of no, e lo warda wak e resultado di kico ta sosode awor, pero no kier a adelanta su siguiente paso, den sentido cu si e lo bringa e mocion si esaki resulta valido. “