OM: Toque de Queda actual no ta cumpli cu exigencianan necesario

OM: Toque de Queda actual no ta cumpli cu exigencianan necesario

Posted on 10/15/2020 4:21 pm AST | Updated on 10/15/2020 4:22 pm AST

ORANJESTAD - Ministerio Publico kier huez dicidi legalidad di e di dos Toque de Queda pa COVID19. Den un comunicado pa prensa diahuebs atardi, e organo aki (OM) a presenta awe na Corte e pregunta si e Toque di Queda cu a keda impone na augustus ultimo, tin suficiente base legal y por wordo considera legitimo. Ta na Corte pa dicidi si e (di dos) Toque di Queda aki tabata necesario y proporcional. Un Toque di Queda ta un medida cu ta limita libertad di e ser humano y cu ta viola derechonan ancra den e Constitucion di Aruba y e Tratado Europeo pa Derechonan Humano (EVRM).  

CONDICION IMPORTANTE 

Un condicion importante ora ta impone restriccion nan riba derechonan fundamental ta cu esakinan ta necesario y proporcional. EVRM ta exigi specificamente cu restriccion nan cu wordo impone, ta semper respeta e esencia di e derechonan fundamental di e ser humano. Corte Superior di Derechonan Humano ta reconoce si cu estadonan cu ta cay bao EVRM, tin cierto ‘margin of appreciation’ (of espacio pa uza nan mes huicio) ora di tuma medidanan preventivo pa cu proteccion di salud.

TOQUE DE QUEDA ACTUAL

E Toque di Queda actual a keda estableci pa medio di un ministeriële regeling riba 28 di augustus 2020. E prome Toque di Queda a wordo, conhuntamente cu varios otro medida, estableci na maart di e aña aki y a dura te fin di mei. Durante e periodo ey tabatin un cantidad di medida: frontera tabata cera, tur horeca tabata cera, tabatin Shelter in Place, schoolnan tabata cera y companianan no-esencial tabata cera. Ministerio Publico ta di opinion cu tabata hustamente e conhunto di tur e medidanan aki cu a haci cu e Toque di Queda tabata legitimo. Corte tabata de acuerdo cu esaki y Huez a considera e prome Toque di Queda legitimo. 

NO A TUMA MEDIDA

Sinembargo, ora di establece e Toque di Queda actual na augustus ultimo, no a tuma ningun di e medidanan aki. Frontera a keda habri, hotelnan, restaurantnan y companianan a keda habri y no tabatin Shelter in Place tampoco. Ministerio Publico a bisa esten, tambe den media, cu e cuestion ta bay ta si e di dos Toque di Queda lo wordo acepta di nobo pa Huez den Corte, considerando e circumstancianan menciona aki riba.

TRATAMENTO

Durante e tratamento di awe y tumando tur cos den consideracion, Ministerio Publico a finalmente yega na e huicio cu e Toque di Queda actual no ta cumpli cu exigencianan. Ministerio Publico a pidi Huez pa sigui cu ontslag van alle rechtsvervolging (ovar, exoneracion di persecucion) di e dos sospechosonan cu a wordo hiba dilanti huez pa violacion di e (di dos) Toque di Queda. 

Ta tarea di Ministerio Publico pa, a base di Constitucion di Aruba y como parti di poder hudicial, trece pa dilanti dudanan cu por reis relaciona cu ley y reglanan y pa pidi Corte pa huzga.

SENTENCIA

Corte lo dicta riba 5 di November venidero. E ora lo bin mas claridad tocante e Toque di Queda actual.

 

 

 

 

  • Lider di RED a entrega keho na OM pa menaza di morto

    Lider di RED a entrega keho na OM pa menaza di morto

    ORANJESTAD – Lider di fraccion di RED Ricardo Croes a entrega un denuncia diasabra ultimo na Ministerio Publico contra un persona di fam F. pa menaza di morto. Asina sr Croes a confirma dialuna mainta durante un conferencia di prensa. Segun sr Croes, ta trata di ruman homber grandi di un hoben cu ta profilando su mes riba rednan social riba temanan politico. Segun sr Croes, e persona a identifica su mes di tal forma cu tabata ‘mas facil’ pa haci e denuncia contra su persona. Sr Croes a bisa mes momento tambe cu no ta prome biaha cu el a haya menaza, aunke di menos gravedad, pero nunca a haci mencion di esaki publicamente. 

  • Caso di apelacion contra ex minister ta inicia januari 2021

    Caso di apelacion contra ex minister ta inicia januari 2021

    ORANJESTAD – Dos aña despues cu huez a dicta sentencia contra dje, y casi 4 aña despues cu autoridad a drenta su cas prome biaha (na 2017), ex minister Paul Croes y 6 otro sospechoso lo ta den corte atrobe pa e apelacion di Caso Ibis. Asina vocero di ministerio publico Ann Angela a confirma dialuna pa noticiacla. Mesora a bisa cu ta trata di e comienso, ya cu e fecha cu corte tin reserva, ta pa 21 di januari 2021 cu ta e regie zitting. Ta determina durante e caso aki ki dia e caso mes mes di apelacion ta tuma lugar.

  • Entrada hudicial na cas y oficina di sospechoso di caso Flamingo

    Entrada hudicial na cas y oficina di sospechoso di caso Flamingo

    ORANJESTAD - Riba diaranzon 7 di oktober 2020, Landsrecherche, RST y Cuerpo Policial di Aruba a tene un huiszoeking den investigacion Flamingo. Asina vocero di Ministerio Publico Ann Angela a confirma diahuebs merdia. 

  • OM: Control di Wara Costa ta na interes di seguridad di individuonan y Pais Aruba

    OM: Control di Wara Costa ta na interes di seguridad di individuonan y Pais Aruba

    ORANJESTAD – Warda Costa siman pasa a topa durante un control riba lama cu seis persona ilegal riba un boto cu tabata na caminda di Aruba pa Venezuela. E dos tripulante di e boto a wordo deteni y laga den libertad despues di investigacion. Den e caso aki tabatin insuficiente motibo pa sigui cu persecucion penal di e dos tripulantenan aki. E seis personanan illegal a wordo entrega na Guarda nos Costa (GNC). Kustwacht Steunpunt Aruba ta hiba controlnan manera esun di ayera den cuadro di proteccion di frontera. E controlnan aki ta importante pa evita cu personanan sali for di Aruba ilegalmente y tambe pa preveni otro actividadnan prohibi manera traficacion di contrabanda. 

  • OM: Chens te november 2020 pa paga multa di Toque de Queda

    OM: Chens te november 2020 pa paga multa di Toque de Queda

    ORANJESTAD - Ministerio Publico ta informa cu personanan cu a haya un boet durante e prome Toque de Queda (TdQ) y no a page ainda, tin chens te prome di november 2020 pa paga esaki of pa yega na un arreglo di pago. Ta trata aki di personanan cu a haya un transaccion den e periodo di 2 di april 2020 te 28 di mei 2020 pa motibo cu nan no a tene nan mes na orarionan di TdQ. E comunicado no ta bisa cuanto hende ainda no a paga esaki si. 

  • OM: No tin suficiente base legal pa multa hende durante Toque de Queda awor

    OM: No tin suficiente base legal pa multa hende durante Toque de Queda awor

    ORANJESTAD – “ (Ministerio Publico) no ta mira suficiente base legal pa multa hende den e avondklok actual bao di e omstandigheidnan actual (cu ta otro cu biaha pasa)”. Asina vocero di Ministerio Publico, Ann Angela a confirma pa noticiacla.com diasabra. Esaki ta relaciona cu e hecho cu e di dos anochi di Toque de Queda no a sigui, ora cu polis a keda informa cu nan no por detene ningun hende pa e motibo ey. Intento pa haya reaccion di tanto prome minister di Aruba Evelyn Wever Croes como minister di husticia Andin Bikker, no tabata exitoso ainda. 

  • Powered by SETAR