Homber ta cay na awa na pier na Savaneta y hoga

SAVANETA – Un homber t\a cay na awa na pier na Savaneta y hoga diaranson tardi. Segun vocero policial Lito Laclé, pa 3:06 central di polis ta wordo notifica di un caso di hogamento na e pier pabou di Marinierskazerne. 

Na yegada di patruya di polis, a topa cu un señora cu a declara cu el a bin pisca cu su amigo y na dado e amigo a cay na awa. E señora a purba juda e amigo pero envano. Coleganan cu a jega na e sitio a bula na awa pa saca e curpa. Pa 4:10 dr Texier ta constata morto di e turista masculino A.N. Richards naci na Aruba di 53 aña. Polis technico a jega na e sitio , Recherche y slachtofferhulp.  Noticiacla y cuerpo policial ta manda palabra di condolencia na famia di e fayecido.