Cu binimento di Welcome Plaza, lo reubica e kiosconan awor

ORANJESTAD – Cu binimento di e Welcome Plaza anuncia ayera, lo bay re aloca e kiosconan na e sitio ey aworaki. Esey a keda participa pa gobernantenan durante e develo di e proyecto su plan. Cinco aña despues cu a cuminsa cu e idea, a tuma lugar e ground breaking pa e loke tin cu bira un plaza di bon bini na entrada di nos waf. Apropiadamente yama “Welcome Plaza”, gobernantenan a efectua e ceremonia necesario pa celebra esaki. Un proyecto cu ta costa 2.5 miyon florin y cu den 120 mester ta completa. E ta bin na e lugar unda cu tabatin antes e tankinan di e refineria, pero cu a wordo elimina. Segun e gobernantenan, pa e proyecto aki lo bai mehora e kiosconan y ubica na un otro caminda y percura pa e calidad di e producto cu nos kier ofrece na nos turismo wordo eleva. Tambe lo bai tin mihor coordinacion pa loke ta trata tur esnan cu ta traha den industria, pa e tour busnan, e taxinan y pa e tram cu tin cu opera den e area aki.