Hulanda ta anuncia lockdown parcial debi na COVID19

DEN HAAG - „Café’s y restaurant ta cera atrobe (na Hulanda). De hecho nos ta bay pa un lockdown parcial” tabata palabra di prome minister Hulandes Mark Rutte diamars durante un conferencia di prensa special. E medidanan lo haci dolor, pasobra e cifranan no ta gaña” e mandatario a sigui bisa. Hulanda su situacion a empeora seriamente debi na COVID19 cu a pone cu mester a tuma pasonan mas drastico.  

MAS MEDIDA

Un otro medida anuncia ta cu ta scrap deporte di ekipo pa adulto. Y benta di alcohol ta stop entrante 8’or di anochi. “Nos no tin un toque de queda, pero si un tipo di toque de queda pa alcohol”. Awor cu no por tracer e video bon mas, ta bay haci tur lo posibel pa evita mas plamamento. E medidanan tur anuncia ta conta pa un luna (4 siman) y ta drenta na vigor 10’or diaranson anochi.