- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
E pakico ta opta pa test un automobilista pa alcohol of cere pa buracheria
ORANJESTAD – Un persona cu no a wordo haya ta core iresponsabel of ‘burachi’, no por wordo cera (of deteni) pa e cargo ey e ora. Asina noticiacla a compronde dialuna mainta di autoridadnan competente policial. E pregunta ta bin a raiz di e situacion cu a surgi diasabra anochi envolviendo un ex minister. Semper ora cu ta encera un mandatario, sea den funcion of cu e tabatin e funcion ey, e ta hala hopi atencion, localmente y rond di mundo. E pregunta ta surgi, den e caso aki, pakico a permiti e ex minister aki bay cas y no cere, of no pone blaas.
SITUACION
A haya e splicacion cu den e caso aki mester separa dos cos for di otro. P.e. accidente ta un cos y flat tire ta otro cos. Pues ora cu polis wordo yama pa atende un situacion asina, ta determinante kico e motibo ta di e melding. Den e caso aki, ta roadservice a yama polis pa un situacion cu nan a haya, y un da e persona en cuestion, e ex mandatario lo tabata bebi. Polis no por cera e persona pa accidente causa sea ta pa buracheria of no, ni buracheria, pasobra no a gare den e forma eyy. Mas aleu, e regla ta cu ora cu polis hayabo banda di caminda bebi, e no por test bo djis pasobra bo ta bebi. E por test bo solamente si el a garabo ta core auto bebi. Den e caso aki, esey no tabata un factor. Si bo tabata den un accidente mes, si e partido contrario no raporta esaki, tampoco e polis por actua. E hecho aki con bin cu e persona a keda deteni, y hiba warda toch, ta keda un pregunta, pero riba cual no tin contesta ainda. Pero e ta splica e motibo pa cual no a test e persona y tampoco a tene den un cel.
PERCEPCION
Mientrastanto, loke no ta traha na fabor di e persona en cuestion, e ex mandatario, ta su ‘status’, sea cu e ta ex of actual mandatario. Den percepcion di comunidad, mundialmente, e ta keda un ‘persona di peso’ cu mester haya otro tipo di trato, sea cu e ta ehempel, of cu tin otro situacion cu por culpe. Di otro banda, den e caso aki, e percepcion ta cu ta pasobra e ta ken e ta, no a detene ni a pone tuma test, y si tabata otro persona, esey lo a sosode mesora. Percepcion ta pone e ora cu e comunidad ta husga e situacion di e forma ey, y nada no por cambia e pensamento ey. ‘Si ta ami of abo, nan lo a detene bo mesora y tira e yabi afor, pero pasobra e ta tal y tal, ta dune un tratamento special’. No obstante cu legalmente, tin motibonan hustifica pa actua di e forma cu autoridad a actua. Potret cortesia KPA.
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Afpakteam a haci control na aeropuerto priva tambe
Warda Costa a intercepa boto cu 9 indocumentado Venezolano yegando Aruba
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
Follow NoticiaCla
