Aruba su aeropuerto ta entre top 10 mas panoramico di Caribe

ORANJESTAD – Aeropuerto Reina Beatrix di Aruba a sali e # 2 di aeropuerto mas ‘panoramico’ di Caribe y Latino America, di un lista di 10 aeropuerto. Asina e portal aviacionline.com ta raporta.  Segun e criteria, e loke ta wak ora cu yega Aruba, e awa bunita, e cruceronan mara na waf, ta haci e escena asina bunita. E compania di buelo priva PrivateFly di Inglatera ta haci un encuesta entre su usuarionan riba cual tabata e aterisahe y despegue cu mas tabata entusiasma nan, of cua tabata esun mas pintoresco. E votacion a tuma lugar februari y maart di e aña aki, prome cu COVID19 a cuminsa. Aruba a sali entre 129 aeropuerto di cual por a eligi, y ta trata di 6000 viahero frecuente.