Conocido comerciante y deportista Mario ‘Aiky’ Croes a bay sosega

ORANJESTAD - Mario Alcaldo Croes – mihor conoci como Aiky Croes of Mo Aiky, a bay sosega diadomingo marduga 11 di October 2020. Mo Aiky tabata ruman di e.o. Betico Croes, Rudy Croes y na principio di fundacion di partido MEP tabata encarga cu set up y desarma reunionnan publico den tur bario pa MEP . E tabata pasa cu e tráiler/flota cu tur e barinan , biga pa mara wayanan di luz , piedra pa hinca den bari pa wanta e palonan di luz cu e banderanan di MEP y cabelnan di luz , carga y pone e stage cu MO Dochi a traha . Aiky tabata conoci tambe pa hiba un campaña agresivo pa MEP !!! Su bida tabata fútbol di Estrella di cua e tabata varios biaha presidente . El a traha pa mas o menos 60 aña cu e stacion di gasolin den Colony y savaneta di famia y tabata director tambe di esaki pa hopi aña . Último aki el a pasa e Station di gasolin pa Rudy su ruman , pero el a keda semper na trabao tur día , apesar cu el a perde su pianan pa e maleza diabetico. Pa e referendum historico cu a percura pa nos Status Aparte e tabata den prome fila pa percura pa den oranan di madruga Aruba tabata lanta tur na blauw di nos bandera pa stimula nos hendenan pa bay vota !!! E referendum histórico aki , danki na esfuerzo di hopi pero Aiky tabata e motor den e movicionnan cu a realmente pone e Pueblo bay vota !!! Aiky a sobresalí tambe den Fundacion “Lotto pa Deporte” . Aiky , Tamburero y cantante di Grupo di Betico pa mas di 50 aña !!! Aiky’s Crazy Team , cu a participa hopi aña den parada y semper a bay cu premio   Comico den Carnaval. NoticiaCla ta manda palabra di forza na tur famia di Mo Aiky, su rumannan, pero particularmente su señora esposa Elsa y yiunan Sharin y Edward Croes y famia.