Crisis team: Cierto fiesta/actividad planea pa e weekend aki lo wordo para

ORANJESTAD  - Crisis Team di Gobierno diabierna merdia a duna indicacion cu cierto fiestanan planea pa e fin di siman aki por wordo para si nan dicidi di sigui toch. Esaki pasobra e lo ta un violacion di e reglanan vigente conforme COVID19. A recorda mes momento tambe cu orario di ciere a bira 11:00 pm y Toque de Queda a bira 12or madruga pa 5or di mainta. 

FIESTANAN PLANEA

Manera indica, actividadnan plaña manera algun aki bou menciona unda musica ta wordo promociona, no ta permiti y lo actua riba esakinan segun e Afkondigingsblad van Aruba Ministeriële Regeling Calamiteitenverordening.

E actividadnan cu por wordo para lo ta e.o.

Diabierna:

Sandbar cu dj cash

Southbeach Bar cu dj 101

Pa diasabra:

Sandbar cu D'licious Jerino Baas

Full weekend:

Lekker cu C-Zar Olarte

Segun e crisis team, cambio di orario di Toque de Queda no ta nifica cu e peliger di contrae covid-19 a pasa. Cambio di Toque de Queda nifica cu nos ta riba bon caminda, e casonan ta bahando pero mester sigui traha pa mantene asina. Aplica tur medida di proteccion pa bo proteccion, dibo famia y di Aruba completo.