RDA mes ta sigui opera tankinan di refineria por lo pronto

RDA mes ta sigui opera tankinan di refineria por lo pronto

Posted on 10/9/2020 10:46 am AST | Updated on 10/9/2020 10:47 am AST

ORANJESTAD – Refineria di Aruba (RdA) mes ta sigui opera tankinan di refineria te ora haya operador nobo. Asina nan ta bisa den un comunicado. Motibo duna ta cu un operador cu tabata cla pa ‘tuma over’ no a keda cla y awor ta tratando pa keda cla cu otro operador nobo. 

E PROCESO 

Despues cu GoA/RdA a conclui e terminacion cu Citgo dia 30 di April 2020, y cu RdA por a cuminsa na entretene e esfuerso pa traha di inmediato riba huur di e tankinan den e terminal, a cuminsa cu fast-track-tender entre e 40+ entidadnan cu a wordo registra na tanto GoA como RdA. Durante mei 04 y 05 tur e interesadonan a wordo acerca pa participa den un tender pa huur tanki, cual tender a cera diabierna mei 15. Despues, a base di e ofertanan ricibi, a scoge e miho ofertanan pa inicia negocacion y yega na un contract.

CONTRACT CU CLIENTE

Asina tambe a inicia cu e esfuerzo pa yega na un contract cu un cliente cu a interesa pa lease tur tanki cu tawata disponible y den condicion pa opera di inmediato. Aki a sigui un proceso poco largo caminda finalmente dia 14 di augustus a firma un contrato cu un duracion di 12 luna, y cu e posibilidad di extende esaki cu 12 luna mas. Mester bisa tambe cu e cliente aki su oferta tawata substancialmente mas atractivo cu demas ofertanan ricibi. 

PROBLEMA CU CLIENTE

Despues cu e contract a keda firma e cliente mester a cumpli cu cierto condicionnan stipula den e contract pero a enfrenta contratiempo pa cumpli cu e condicionnan. Esaki entre otro ta pa por pone un garantia na banco y/of otro institucion financiero (performance bond) den caso cu pago di un factura no wordo ricibi na tempo. Di acuerdo cu e terminonan y condicion di e contract vigente a procesa tambe e facturanan corespondiente na e cliente pa pago. Na momento cu e cliente mester a paga, e cliente a confronta diferente situacionnan inespera. E cliente a solicita RdA pa tempo pa por soluciona e asunto aki.

NO POR A CUMPLI

Bou condicion di good-will a otorga e cliente e tempo pidi pa por resolve e asunto. Despues cu e tempo a yega y e cliente no a yega ainda na e solucion, y di acuerdo cu e condicion stipula den e contract, a cuminsa cana e caminda di un curing period. Si e cliente no resolve e asunto aki den e tempo stipula, e contrato lo wordo anula di inmediato.

OTRO CLIENTE

Den anticipacion di e posibilidad aki RdA a cuminsa pulsa mercado inmediatamente y ta den negocacion cu un otro cliente caba cu ta cla pa yega na un contract asina cu e tankinan ta disponibel atrobe.

RDA MES A TUMA OVER

Pues, concluyendo, RdA, despues di a tuma over e facilidadnan bek ta sigui garantisa suministro di producto pa mercado local y ta atendiendo cu reparacion urgente y necesario di e facilidad. Den e proceso di tender pa huur di e tankinan, RdA lastimamente a experiencia un tardansa no premira y fuera di control di RdA pero RdA a sigura den e comunicado cu nan lo sa di sali di e situacion aki pronto mirando cu a notifica e cliente di e consecuencianan, y asina lo por cuminsa crea actividad economico pa Aruba.

 

  • ATIA: Gobierno ta enfoca riba cosnan menos importante durante crisis

    ATIA: Gobierno ta enfoca riba cosnan menos importante durante crisis

    ORANJESTAD – E gremio comercial Aruba Trade and Industry Association (ATIA) ta sumamente decepciona cu durante un crisis sin precedente, gobierno ta mustra di enfoca riba asuntonan cu kizas den otro tempo lo ta merece su debido atencion, pero na momento cu e pueblo ta bibando den inseguridad di kiko e lunanan cu ta bin ta trese financieramente pa nan, no lo mester ta prioridad.

  • Sin subsidio salarial, 62% di miembronan di AHATA ta confronta bancarota

    Sin subsidio salarial, 62% di miembronan di AHATA ta confronta bancarota

    ORANJESTAD – Basa riba un encuesta cu Aruba Hotel & And Tourism Association (AHATA) a tene entre su miembronan, 62% ta confronta bancarota si no ta pa e subsidio salarial (loon subsidie) cu nan ta hayando di gobierno actualmente. Mester bisa cu entre tur esnan encuesta pa AHATA (61 negoshi), 84% ta hayando subsidio salarial y 90% di esnan hayando subsidio, ainda ta operando cu perdida. E subsidio salarial ta loke cu gobierno ta dunando companianan debi na e situacion cu a surgi cu COVID19. 

  • Maduro: DEZHI ta haci control di prijs diariamente

    Maduro: DEZHI ta haci control di prijs diariamente

    ORANJESTAD –  E control di prijs ta wordo haci diariamente den supermercadonan pa cu prijsnan maximo di productonan di e Canasta Basico, observacion di prijs di e productonan no regula pa e Macuto di Compras y tambe pa e indicacion di prijs di productonan. Asina minister di economia Xiomara Maduro a recorda diabierna. E control menciona ta inclui tambe e prijs di e extra productonan di necesidad cu a bin acerca temporalmente door di e COVID 19. E control di prijs ta wordo haci di dialuna pa diabierna pa e controladonan di DEZHI. 

  • Prijs di gasoline, diesel y kerozine ta baha diaranson

    Prijs di gasoline, diesel y kerozine ta baha diaranson

    ORANJESTAD - Minister di Finansas, Asuntonan Economico y Culturata anuncia e prijsnan nobo di benta di combustibel entrante 14 di oktober 2020:

  • AFBA: Preocupa cu varios negoshi no a tene nan mes na regla den weekend

    AFBA: Preocupa cu varios negoshi no a tene nan mes na regla den weekend

    ORANJESTAD - Durante e siman tras di lomba y particularmente durante weekend, Aruba Food & Beverage Association (AFBA) a tuma nota di varios establecimento cu claramente no tabata cumpli cu e reglanan, especialemente e reglanan distanciamento social. Y nan tin miedo cu si esaki sigui, Crisis team por escala medidanan atrobe. Como tal den un comunidad a haci suplica pa cumpli cu tur regla vigente. 

  • ATA: Den luna di september Aruba a ricibi 14,697 turista

    ATA: Den luna di september Aruba a ricibi 14,697 turista

    ORANJESTAD – Den luna di september Aruba a ricibi 14,697 turista. Asina oficina di turismo ATA a raporta den un comunicado diadomingo.  

  • Powered by SETAR