Entrega di prome edicion di buki '10 aña 10-10-10: Desilusion ta domina'

DEN HAAG – E  ministernan plenipotenciario di Corsou, Aruba y Sint Maarten Anthony Begina, Eddy Paris (spl) y René Volenius hunto cu secretario di estado pa asuntonan di Reino Raymond Knops e prome edicion di e buki '“Koninkrijk op eieren”' despues di 10 aña 10-10-10.

E acto simultaneo pa disolve Antia Hulandes como pais riba 10 di october 2010, na mes momento funda e paisnan nobo Corsou y Sint Maarten y converti Boneiro, Sint Eustatius y Saba den municipionan special di Hulanda, tabata un operacion unico. Pero esaki a produci tambe locual tabata e intencion? Reino Hulandes di berdad a cuminsa funciona miho? E ciudadanonan, -particularmente esnan den e parti Caribense – a progresa cu esaki? Y e relacionnan nobo tabatin un efecto positivo riba e ambiente entre e gobiernonan?

Cincuenta dirigente – entre nan minister presidentnan actual y esnan anterior – representantenan di pueblo y siguidornan profesional di Reino di ambos banda di lama, na ocasion di 10 aña 10-10-10, ta duna contesta riba e preguntanan aki. Esaki nan ta haci riba invitacion di profesor emeritus prof.dr. Joop van den Berg y ex- reportero di parlamento, René Zwart, kende a compila nan bou e titulo '“Koninkrijk op eieren”'. E prologo ta di presidente di e Comision Relacionnan den Reino, prof.mr. Pieter van Vollenhoven.

Esnan directamente interesa ta conta con nan a experimenta e proceso personalmente, pakico, sea cu nan por ta desiluciona of no den e resultado, nan fe den e lasonan cu Reino no a mengua of cu nan ta haya cu net awor ta tempo pa reorganisa Reino. Si despues di e conferencia for di tur e contribucionnan un solo conclusion a resalta, ta e echo cu e pueblonan di Corsou, Aruba, Sint Maarten, Boneiro, Sint Eustatius y Saba merece un miho Reino. '“Koninkrijk op eieren”' ta mucho mas cu un refleho riba 10 aña 10-10-10, e ta mas un les di cual esnan cu tin influencia riba e relacionnan den reino actual y pa futuro, por siña di dje.  

'Koninkrijk op eieren' (224 pagina) por wordo baha gratis como e-book y pdf for di e website Koninkrijk.Nu.

____________________________________

Contribucionnan (segun ordo alfabetico) di: Jan Peter Balkenende - Joop van den Berg - Xavier Blackman - Bas Jan van Bochove - Hans de Boer - Ramonsito Booi - André Bosman - Aart Broek - Kees Broere - Ank Bijleveld-Schouten - Suzy Camelia-Römer - Paul Comenencia - Piet Hein Donner - Adriana van Dooijeweert - Mike Eman - Sietse Fritsma -  Ineke van Gent - Raymond Gradus - Steven Hillebrink - Nicole Hoevertsz - Gerhard Hoogers - Will Johnson - Emily de Jongh-Elhage - Geert-Jan Knoops - Omayra Leeflang - John Leerdam -  Marijke Linthorst - William Marlin - Gert Oostindie - Jan Paternotte - Alexander Pechtold - Ronald van Raak - Jörgen Raymann - Eugene Rhuggenaath - Arjen van Rijn - Jaime Saleh - Nico Schoof - Koos Sneek - Liesbeth Spies - Glenn Thodé - Juan Thijsen - Ron van der Veer - Gerdi Verbeet - Luc Verhey - Pieter van Vollenhoven - Sarah Wescot-Williams - Evelyn Wever-Croes - Jorien Wuite - Etienne Ys - Reinier van Zutphen - René Zwart.