Aeropuerto di Aruba ta premira un recuperacion di 90% te na 2025

Aeropuerto di Aruba ta premira un recuperacion di 90% te na 2025

Posted on 10/8/2020 3:17 pm AST | Updated on 10/8/2020 3:17 pm AST

ORANJESTAD - Basa riba e ultimo informacionnan ta wordo spera cu Aeropuerto Internacional Reina Beatrix (AUA Airport) lo finalisa e aña cu 37% - 40% di recuperacion di trafico den cantidad di pasahero cu ta sali for di Aruba den 2020 en comparacion cu 2019. AUA Airport ta usa e mesun indicashonnan cu e varios stakeholdernan, specialmente e aerolineanan cu ta opera na AUA Airport ta usa pa mira mas den futuro y pronostica e ruta di recuperacion pa e 5 añanan na caminda. Recuperacion lo ta poco poco pero sigur durante e añanan na caminda. Varios asociacion di e industria di aviacion manera ICAO (International Civil Aviation Organization), IATA (International Air Transport Association) y ACI (Airports Council International) tambe a saca nan pronostico y ta premira cu e lo tuma e industria di aviacion por lo menos 3 pa 4 aña pa recupera bek y mira e cantidad di trafico mundialmente manera e tabata prome cu COVID. 

Basa riba AUA Airport su network cu su aerolineanan partner y tambe basa riba e informacion duna door di e asociacionnan di e industria di aviacion menciona a determina su pronostico di e 5 añanan den e cantidad di pasahero cu lo sali for di AUA Airport (Revenue Generating Passengers). 

E grafico ta ilustra cu nos ta premira cu lo recupera 37% den 2020, 52% den 2021, 68% den 2022, 78% den 2023, 84% den 2024 y 90% den 2025. 

“Tur dia nos ta den contacto cu nos partnernan den e industria di aviacion y turismo. E pronostico aki ta basa riba e indicashonnan y informacionnan cu nos tin awe. Nos sa cu e impacto di e crisis lo wordo sinti pa añas. Un pronostico di varios aña bou di e circumstancianan yena cu incertidumbre actual, lamentablemente, por cambia na cualkier momento. Pesei, di awo pa dilanti, nos lo prepara un update di e pronostico cada kwartaal. Nos lo sigui haci nos maximo esfuerso pa yuda Aruba den su recuperacion necesario,” asina Joost Meijs, CEO di Aruba Airport Authority N.V. a bisa.

 

  • ATIA: Gobierno ta enfoca riba cosnan menos importante durante crisis

    ATIA: Gobierno ta enfoca riba cosnan menos importante durante crisis

    ORANJESTAD – E gremio comercial Aruba Trade and Industry Association (ATIA) ta sumamente decepciona cu durante un crisis sin precedente, gobierno ta mustra di enfoca riba asuntonan cu kizas den otro tempo lo ta merece su debido atencion, pero na momento cu e pueblo ta bibando den inseguridad di kiko e lunanan cu ta bin ta trese financieramente pa nan, no lo mester ta prioridad.

  • Sin subsidio salarial, 62% di miembronan di AHATA ta confronta bancarota

    Sin subsidio salarial, 62% di miembronan di AHATA ta confronta bancarota

    ORANJESTAD – Basa riba un encuesta cu Aruba Hotel & And Tourism Association (AHATA) a tene entre su miembronan, 62% ta confronta bancarota si no ta pa e subsidio salarial (loon subsidie) cu nan ta hayando di gobierno actualmente. Mester bisa cu entre tur esnan encuesta pa AHATA (61 negoshi), 84% ta hayando subsidio salarial y 90% di esnan hayando subsidio, ainda ta operando cu perdida. E subsidio salarial ta loke cu gobierno ta dunando companianan debi na e situacion cu a surgi cu COVID19. 

  • Maduro: DEZHI ta haci control di prijs diariamente

    Maduro: DEZHI ta haci control di prijs diariamente

    ORANJESTAD –  E control di prijs ta wordo haci diariamente den supermercadonan pa cu prijsnan maximo di productonan di e Canasta Basico, observacion di prijs di e productonan no regula pa e Macuto di Compras y tambe pa e indicacion di prijs di productonan. Asina minister di economia Xiomara Maduro a recorda diabierna. E control menciona ta inclui tambe e prijs di e extra productonan di necesidad cu a bin acerca temporalmente door di e COVID 19. E control di prijs ta wordo haci di dialuna pa diabierna pa e controladonan di DEZHI. 

  • Prijs di gasoline, diesel y kerozine ta baha diaranson

    Prijs di gasoline, diesel y kerozine ta baha diaranson

    ORANJESTAD - Minister di Finansas, Asuntonan Economico y Culturata anuncia e prijsnan nobo di benta di combustibel entrante 14 di oktober 2020:

  • AFBA: Preocupa cu varios negoshi no a tene nan mes na regla den weekend

    AFBA: Preocupa cu varios negoshi no a tene nan mes na regla den weekend

    ORANJESTAD - Durante e siman tras di lomba y particularmente durante weekend, Aruba Food & Beverage Association (AFBA) a tuma nota di varios establecimento cu claramente no tabata cumpli cu e reglanan, especialemente e reglanan distanciamento social. Y nan tin miedo cu si esaki sigui, Crisis team por escala medidanan atrobe. Como tal den un comunidad a haci suplica pa cumpli cu tur regla vigente. 

  • ATA: Den luna di september Aruba a ricibi 14,697 turista

    ATA: Den luna di september Aruba a ricibi 14,697 turista

    ORANJESTAD – Den luna di september Aruba a ricibi 14,697 turista. Asina oficina di turismo ATA a raporta den un comunicado diadomingo.  

  • Powered by SETAR