Parlamentario mas hoben di Aruba ta felicita congresista mas hoben di Merca

ORANJESTAD – E Parlamentario mas hoben di Aruba (Jennifer Arends- Reyes (31) a felicita e congresista mas hoben di Merca Elise Stefanik (30) pa su logro, y a haci esaki pa medio di un carta. Segun Arends-Reyes, tawata un momento historico pa Merca na momento cu un dama hoben di 30 aña di edad a bira miembro electo di Congreso. Temponan ta cambiando y un generacion di lidernan nobo ta scohe pa sigui nan carera pa sirbi nan pais. Stefanik a cuminsa su carera oficialmente den Congreso na Merca e prome siman di januari y ta representa e di 21 districto di New York y ta pa e partido Republicano.

Segun Arends- Reyes, cada biaha cu un hende muher profesional hoben yega na por hasi trabounan di influencia e ta marca caminda pa otronan por hasi mescos. E terminologia pa esaki hopi biaha ta conoci como 'breaking the glass ceiling' of cu otro palabra nan ta traspasa un barera invisibel existente. No ta importa e partido cu e ta representa pero importante ta pa fortifica y reconose otro hende muhernan profesional hoben cu ta scohe pa un ramo di trabou cu hopi biaha ta ser domina pa e ser masculino. Hende muhernan mester por sostene otro. Cada ser femenino merece respet y elogio di tanto hende muher como hende homber. Pa loke ta e reaccion di E oficina Stefanik for di Washington tabata cu “nan a haña great cu mi a reach out y e tabata un ‘very nice letter’, segun Arends-Reyes a bisa NoticiaCla.com. Por lesa e carta cu e parlamentario hoben di Aruba a manda pa su colega na Merca, aki.