Wever: Aruba y Hulanda a yega na acuerdo mas di un luna pasa caba

ORANJESTAD - Aruba y Hulanda a yega na un acuerdo mas di un luna pasa caba. Asina prome minister Evelyn Wever Croes a bisa noticiacla.com diaranson merdia, reaccionando riba e noticia cu Corsou ta practicamente cla pa firma cu Hulanda. “Tur cos a cambia ora dia 4 sept (2020:red) Hulanda a cambia e condicionnan sin overleg cu nos prome y a forsa nos cana un otro caminda” Wever a bisa. Esey ta e dia segun e prome minister, cu Hulanda unilateralmente a dicidi cu Aruba no ta haya e fondo pa juli y augustus mas. 

RECONSIDERA

Segun Wever, el a pidi Hulanda despues di dia 4 sept un siman largo pa reconsidera pero nan a nenga. “ Apenas despues di un siman ora mi a anuncia cu nos ta forsa pa bai busca e fondo di juli y augustus nos mes, nan a realisa nan eror y a bisa nos pa hasi un peticion na Caft. E peticion ey nos a manda ya dia 5 sept caba y nos a compronde cu mientras tanto Caft a duna nos rason, cu e placa tbt necesario y pues Hulanda nos ta suppose di a kita e placa ey” Wever a sigui bisa.

PRESTAMO LOCAL

“Pero mientras tanto nos no por a warda mas y nos a haya e 173 miyon  presta riba mercado local pa cual nos ta hopi agradecido na nos mercado local” Wever a continua bisando. 

“ Nos ta wardando e decision di Hulanda riba e conseho di Caft pa nos sigi papia riba e contenido di e Rijkswet. Kortom: e punto cu Curacao a yega awor nos a yega mas cu un luna pasa” Wever a finalisa bisando.