BZK: Tin señalnan prometedor pero no tin acuerdo ainda (cu Corsou)

DEN HAAG – “E  combersacionnan ta andando (cu Corsou). Tin señalnan prometedor pero no tin un acuerdo ainda”.Asina representantenan di Gobierno Hulandes a bisa noticiacla diaranson merdia riba e situacion di Corsou. Manera ta conoci, Prome Minister di e isla Eugene Rhuggenaath a informa Parlamento cu cos ta practicamente cla y cu nan ta ok pa firma. For di Hulanda, tambe e señal ta positivo, pero a enfatisa cu ainda no tin acuerdo, pues Corsou no a firma ainda. 

CORSOU

Tabata diaranson mainta cu e portal aki a raporta cu tur cos tabata mustra cu Gobierno di Corsou tabata cla pa firma nan acuerdo cu Hulanda pa loke ta e entidad y tambe e asina yama landspakket. Den un carta di prome minister Eugene Rhuggenaath na Presidente di Parlamento Pauletta,e ta splica di e posicion di Gobierno y e loke a yega na otro. Un di e puntonan principal ta cu no ta mishi cu e autoridad di gobierno ni di Parlamento, pues cu e organo mas halto ta ‘keda’ cu su autoridad, no obstante cu tin un entidad cu ta haya bida proximamente. E cambionan logra segun premier Rhuggenaath, ta suficiente cu Corsou por ‘biba cu ne’.