Oduber: Turistanan di cierto destinacion Europeo no por biaha pa Aruba

ORANJESTAD – Nos no mester ta preocupa cu contagio di e coronavirus door di p.e. turistanan for di Spaña y Francia. Asina minister di turismo Dangui Oduber a bisa e portal aki.  Segun director di RIVM na Hulanda, Jaap van Dissel, e brote grandi actual na Hulanda ta bin primordialmente di Hulandesnan cu ta bolbiendo di Spaña y Francia. Riba esaki a puntra Oduber con ta maneha cu turistanan di e destinacionan aki cu kier y por bin Aruba, cu e chens cu nos tambe por haya nos cu e problema aki. 

PREOCUPA OF NO

E mandatario ta sigura cu nos no mester ta preocupa. “E paisnan menciona no ta mercadonan pa Aruba y casi no ta ricibi bishitantenan for di e paisnan aki.” Oduber a bisa e portal aki. Ademas, segun Oduber,  Aruba su maneho ta conoci y tin protocolnan hopi estricto pa turistanan. “ Aruba a habri frontera cu merca na momento cu Merca tawata den su piek y nos protocolnan a funciona debidamente. Nos tin confianza cu e protocolnan cu nos tin por mantene e fronteranan manera cu ta actualmente” Oduber a finalisa bisando. Dialuna anochi mientrastanto e mandatario a anuncia cu ta ‘suavisa’ dos medida, esta orario di cierre di negoshinan (anochi) y orario di Toque de Queda (bek pa 12-5am) entrante diaranson marduga.