ECO DMS a entrega su pago como un donacion na Cas di Mucha Imeldahof

ORANJESTAD  – Na December di 2014, e Aruba Convention y Visitors Bureau, ACVB, a ricibi un grupo di cliente di incentivo riba e isla. ECO Destination Management Company a bid riba e privilegio di organisa e anochi final di e grupo, y nan a gana e competencia basa riba creatividad, balor y excitacion. E compania a acepta e reto di organisa un evento efectivo, creativo y fabuloso, como e despedida di e grupo.

E ekipo di Eco DMS, segun Wichita Villacres, CEO y Director Gerente, semper ta provee servicionan excelente na e comunidad. E compania ta haci uso di su recursonan boluntariamente y generosamente pa pone e ACVB y e isla di Aruba mustra bon pa e top ehecutivonan den e mercado di Reunion, Incentivo, Conferencia y Exhibicion for di tur rond di mundo, y hopi biaha sin cobra placa pa esaki.

E ekipo di ECO DMS tabata unanimamente di acuerdo na December pa entrega su pagonan na e Cas di Mucha Imeldahof, y e ekipo tabata contento di por duna di su energia y tempo pa planea e evento pa ACVB, cu tur ganashi beneficiando e cas di mucha, directamente.

E ekipo di Aruba Convention and Visitors Bureau tabata presente durante e presentacion di e check y a inclui Hal Davis, Jerusha Rasmijn y Darysse Croes. E ekipo di Eco DMS Aruba tabata presente tambe, incluyendo Sergino Croes, Wichita Villacres y Alicia Vrolijk. Como miembronan di e Aruba Hotel & Tourism Authority, Villacres a conclui, nos ta sinti nos mes como un berdadero parti di e comunidad y nos ta kere totalmente cu Aruba ta un tremendo isla pa biba, como tambe pa bishita. Nos ta pensa riba nos comunidad como parti di nos filosofia pa cuida nos bishitantenan. Aki por mira e entrega di e donacion na Imeldahof cu a tuma luga recientemente.